الرسامة والمصممة: رناد شيخ عرابي

الاثنين، 16 أكتوبر 2017

أكتوبر 16, 2017

تكبير النص تصغير النص أعادة للحجم الطبيعي

الإسم : رناد شيخ عرابي
العمر : 22 سنة
الدراسة : تصميم جرافيك
الإقامة : الأردن

...

بتقول رناد : بداية رحلتي الدراسية كانت بالصيدلة، لكني فوراً حوّلت للتصميم الجرافيكي بسبب رغباتي وميولي الفنية.
بلشت موهبة الرسم عندي من أكتر من 8 سنوات، كنت بالبداية قلّد كل رسمة توقع تحت إيدي وأكتر شي الشخصيات الكرتونية المعروفة، ومع الوقت طوّرت موهبتي بالتدريب وما التحقت بمعاهد ولا أخدت كورسات.
الصعوبات يلي كنت واجهها وانا صغيرة هية عدم تقدير الموهبة، وكتير كنت اسمع (اشتغلي شي يطعمي خبز)، بس هالشي ما أثّر عليي، بالعكس كنت ارسم أكتر وطوّر من حالي أكتر وأكتر.

بعد ما درست الجرافيك انتقلت من مرحلة الرسم بأقلام الرصاص والألوان لمرحلة الرسم على الكمبيوتر يلي بيسمّوه (الديجيتال آرت) وهون صار الرسم ياخد واقعية أكتر بسبب القدرة على دمج الألوان والتأثيرات والإضافات يلي بيوفروها برامج التصميم.
ويلي عم يسأل كيف بيتم رسم الديجيتال فأنا بستعمل جهاز هو عبارة عن تابلت يُوصل بجهاز الكمبيوتر ومعه قلم، بيتم الرسم بواسطة القلم عالجهاز فبيطلع الشغل على شاشة الكمبيوتر.

أنا حاليا بشتغل بالتصميم لعدة شركات وبشتغل برسم قصص الأطفال، بشتغل كمان كروشيه وقريباً إن شاء الله عندي مشروع صغير فيه. بحب كمان الأوريجامي (فن طيّ الورق) وبحب كل شي أشغال يدوية.
طموحي هو انو يصير الي اسم بعالم الرسم والتصميم ولكن طموحي الاكبر هو انو قدم شي جميل للاطفال وخليهن يتفاعلو بشكل أكبر مع الرسومات والأعمال المقدمة لأنو وقتها بس بحس حالي إني قدّمت شي عظيم.

صفحة الفنانة على الفيس بوك:رناد شيخ عرابي

والآن نترككم مع بعض أعمال الفنانة